बृहन्मुंबई महानगरपालिका C&D कचरा (डेब्रिज) सेवा

1. डेब्रिज ऑन कॉल सेवा काय आहे?
ही BMC सेवा बांधकाम व विध्वंस (C&D) कचरा जबाबदारीने गोळा व विल्हेवाट लावण्यासाठी आहे. नागरिक टोल-फ्री क्रमांकावर कॉल करून अथवा अधिकृत ॲपचा वापर करून कचरा संकलनाची विनंती करू शकतात.

2. हे C&D कचरा/डेब्रिज ॲप कशासाठी वापरले जाते?
हे ॲप नागरिकांना:

• बेकायदेशीर डंपिंगची तक्रार करण्यासाठी
• अधिकृत संकलन सेवांची विनंती करण्यासाठी
• बांधकाम कचऱ्याची योग्य विल्हेवाट सुनिश्चित करण्यासाठी

3. मी C&D कचरा कुठे टाकू शकतो?
असा कचरा कोणत्याही सार्वजनिक ठिकाणी टाकणे बेकायदेशीर आहे. “डेब्रिज ऑन कॉल” सेवेचा वापर करून अधिकृतपणे उचल करण्याची विनंती करा.

4. हे ॲप कोण वापरू शकते?
बृहन्मुंबई महानगरपालिकेच्या हद्दीतील कोणीही नागरिक कचरा तक्रारी नोंदवू अथवा संकलनाची विनंती करू शकतो.

5. हे ॲप मोफत आहे का?
होय, तक्रारी नोंदवणे मोफत आहे. मात्र, कचरा संकलन सेवांसाठी शुल्क आकारले जाऊ शकते.

1. मला खाते तयार करणे आवश्यक आहे का?
होय. मोबाईल क्रमांक नोंदवल्यावर खाते आपोआप तयार होते.

2. नोंदणी कशी करायची?

1. तुमचा मोबाईल क्रमांक टाका.
2. OTP द्वारे पडताळणी करा.
3. स्क्रीनवरील सूचनांचे पालन करा.

3. पासवर्ड विसरलो तर काय?
हे लॉगिन पूर्णतः OTP आधारित असल्यामुळे पासवर्डची गरज नाही.

1. मी तक्रार कशी दाखल करू शकतो?

1. ॲप उघडा व लॉग इन करा.
2. “Create Ticket” वर टॅप करा.
3. स्थान, कचऱ्याचा प्रकार इत्यादी तपशील भरा.
4. एक फोटो (आवश्यक) अपलोड करा.
5. तक्रार सबमिट करा.

2. मी निनावी तक्रार करू शकतो?
होय, तक्रार करताना तुम्ही ‘अनॉनिमस’ पर्याय निवडू शकता.

1. मी संकलनाची विनंती कशी करू?

1. ॲपमधील “Create Ticket” विभागात जा.
2. कचऱ्याचा प्रकार व प्रमाण निवडा.
3. स्थान व पिकअपची तारीख निश्चित करा.
4. फोटो अपलोड करा.
5. अंदाजित खर्च तपासा व विनंती सबमिट करा.

2. शुल्क किती लागते?

• 500kg पर्यंत: वाहतूक व प्रक्रिया मोफत
• 500kg पेक्षा जास्त: C&D कचरा धोरणानुसार शुल्क लागते

1. तक्रारीची स्थिती कशी पाहू?
ॲपमध्ये लॉग इन करा आणि “Pending Ticket” वर टॅप करा.

2. तक्रारीचे निराकरण होण्यासाठी किती वेळ लागतो?
वेळ विभागनिहाय बदलू शकतो. अद्यतने ॲपद्वारे पाठवली जातात.

1. ॲप माझे स्थान कसे शोधते?
हे ॲप GPS चा वापर करते. गरज असल्यास तुम्ही मॅन्युअल पद्धतीने स्थान निवडू शकता.

2. स्थान चुकीचे असल्यास काय करावे?
तक्रार किंवा विनंती सबमिट करण्याआधी योग्य ठिकाण मॅपवर पिन करा.

1. माझी तक्रार सोडवली गेली नाही तर काय?
“Escalate Complaint” किंवा “Escalate Request” पर्याय वापरून तक्रार escalate करा.

2. मदत कशी घ्यावी?

• ॲपमधील "Help" विभागात जा.
• [support email] वर ईमेल करा.

3. माझी वैयक्तिक माहिती सुरक्षित आहे का?
होय, ती गोपनीय ठेवली जाते व फक्त तक्रारींचे निराकरण व संकलनासाठी वापरली जाते.

4. मी फीडबॅक कसा देऊ शकतो?
ॲपमधील “Feedback” विभाग वापरून तुम्ही आपले मत नोंदवू शकता.

1. मी C&D कचरा संकलन सेवांसाठी पैसे कसे देऊ शकतो?

• ऑनलाइन: डेबिट/क्रेडिट कार्ड, UPI, नेट बँकिंग
• वॉलेट: ॲपचे वॉलेट वैशिष्ट्य
• रोख: अधिकृत टीमला थेट पैसे द्या
• ऑफलाइन: रोखीने किंवा डिमांड ड्राफ्टने नियुक्त केंद्रात पेमेंट

2. दर निश्चित आहेत का?
होय. C&D कचरा व्यवस्थापन धोरण 2025 नुसार दर ठरले आहेत. तपशीलांसाठी ॲप किंवा हेल्पलाइनला कॉल करा.

3. मला पेमेंटची पावती मिळेल का?

• ऑनलाइन: नोंदणीकृत ईमेलवर स्वयंचलित पावती
• ऑफलाइन: पेमेंटच्या वेळी कागदावर पावती दिली जाते

4. उशिरा पेमेंट केल्यास दंड आहे का?
होय, सेवा करारातील अटींच्यानुसार दंड लागू होऊ शकतो.

5. मी हप्त्यांमध्ये पैसे देऊ शकतो का?
सध्या नाही. बुकिंगच्या वेळी किंवा सेवाआधी पूर्ण पेमेंट आवश्यक असते.

6. माझे पेमेंट यशस्वी झाल्याची खात्री कशी पटेल?
तुम्हाला ईमेल/SMS द्वारे पुष्टीकरण संदेश व पावती मिळेल.

7. पेमेंट अयशस्वी झाल्यावरही रक्कम डेबिट झाली तर?
7 कामकाजाच्या दिवसांत ती परत केली जाईल. अडचण असल्यास सपोर्टशी संपर्क साधा.

8. काही सवलती किंवा योजना आहेत का?
कधीकधी विशेष योजना असू शकतात. तपशीलांसाठी ॲप किंवा सपोर्टशी संपर्क करा.

9. सेवा रद्द करून परतावा मिळवू शकतो का?
हे रद्दीकरण धोरणावर अवलंबून असते. पात्र असल्यास 10 कामकाजाच्या दिवसांत परतावा दिला जातो.

10. पेमेंट समस्या असल्यास कोणाशी संपर्क साधावा?

• ग्राहक समर्थन हेल्पलाइनला कॉल करा.
• [ईमेल] वर संपर्क करा.
• रिअल-टाइम मदतीसाठी ॲपमधील चॅट पर्याय वापरा.

11. अनेक सेवा विनंत्यांसाठी एकत्रित पेमेंट करू शकतो?
होय. सपोर्टशी संपर्क साधून एकत्रित इनव्हॉइस मिळवा.

12. मी माझे मागील पेमेंट तपशील कुठे पाहू शकतो?
ॲप किंवा वेब पोर्टलवरील “Payment History” मध्ये हे सर्व उपलब्ध आहे.

13. पेमेंट रकमेत GST समाविष्ट आहे का?
होय. इनव्हॉइसमध्ये त्याची तपशीलवार नोंद असते.

14. कमी किंवा जास्त पेमेंट झाल्यास काय?

• कमी पेमेंट: विनंतीची प्रक्रिया थांबते. शिल्लक रक्कम भरल्यानंतरच सेवा उपलब्ध.
• जादा पेमेंट: येणाऱ्या पेमेंटमध्ये समायोजित किंवा परतावा दिला जातो.

15. पेमेंट तपशील मी कसा अपडेट करू?
ॲप किंवा वेब पोर्टलमध्ये लॉग इन करून “Payment Settings” मध्ये बदल करू शकता.

16. पेमेंटच्या वेळी BMC कडून OTP येतो का?
नाही. BMC थेट OTP पाठवत नाही. अधिकृत ॲप किंवा BMC कार्यालयातूनच पेमेंट करा.